Thomas P. Stafford

Thomas P. Stafford
Thomas P. Stafford in April 1972
Gebore	Thomas Patten Staffor 17 September 1930 (1930-09-17) (93 jaar oud) Weatherford, Oklahoma
Nasionaliteit	Verenigde State
Beroep	ruimtevaarder
Handtekening

Thomas Patten "Tom" Stafford (17 September 1930 - ; Luitenant-generaal, Amerikaanse Lugmag) is 'n voormalige Amerikaanse lugmagoffisier, toetsvlieënier en NASA-ruimtevaarder. Hy het twee missies op Gemini-ruimtetuie voltooi, (Gemini 6A en Gemini 9A) en was in 1969 in bevel van Apollo 10, die tweede bemande missie na die Maan; hy was die eerste persoon om 'n maanmodule daar te vlieg. Hy was deel van die Ruimtevaardergroep 2-inname.

In 1975 was hy die bevelvoerder van die Apollo-Soyuz toetsprojekvlug; die eerste gesamentlike Amerikaanse-Sowjetruimtetog. Hy was daardie stadium 'n Brigadier-generaal en word die eerste generaal om in die ruimte te vlieg. Hy was die eerste lid van sy Vloot Akademieklas om 'n een, twee en later driestergeneraal te word.

Hy het ses missies voltooi waar daar met ruimtetuie gedok is en het in die proses 507 uur in die ruimte deurgebring. Hy het meer as 120 verskillende vliegtuie, helikopters en drie verskillende tipe ruimtetuie gevlieg.